Menejimenti ya Serikali za Mitaa

Ndg. Prosper Msarie Roman

Kaimu Katibu Tawala Msaidizi - 

Menejimenti ya Serikali za Mitaa

Lengo kuu la sehemu ya Menejimenti ya Serikali za Mitaa ni kutoa huduma za kitaalam kwenye Mamlaka za Serikali za Mitaa juu ya Usimamizi wa Fedha,Ukaguzi wa ndani,Utawala na Utumishi ili kuimarisha Utawala Bora.

Kazi na majukumu ya Sehemu 

• Kuziwezesha  na kutoa ushauri wa kitaalam kwa Mamlaka za Serikali za Mitaa juu ya Matumizi sahihi ya Fedha za Umma.
• Kuzijengea uwezo Mamlaka za Serikali za Mitaa katika kuimarisha Utawala Bora.
• Kuzisaidia Mamlaka za Serikali za Mitaa katika kupitia upya miundo na uendeshaji wake kama vile vikao vya kisheria na taratibu za uanzishaji wa maeneo mapya ya utawala.
• Kufanya ukaguzi wa kawaida na ule wa kushtukiza katika Mamlaka za Serikali za Mitaa ili kupima utendaji kazi wake.
• Kuzisaidia Mamlaka za Serikali za Mitaa katika uandaaji wa Bajeti na matumizi ya Halmshauri.
• Kuratibu na kutoa ushauri wa kitaalam kwa Mamlaka za Serikali za Mitaa juu ya Usimamizi wa Rasilimali watu katika usaili, kuajiri, mashauri ya nidhamu, kupandishwa vyeo/madaraja, uhamisho na hitimisho la kazi.
• Kutoa ushauri wa kitaalam kwa Mamlaka za Serikali za Mitaa juu ya masuala yote ya kiutawala.
• Kuzielekeza na kuzisimamia  Mamlaka za Serikali za Mitaa juu ya utekelezaji wa Ilani ya Uchaguzi
• Kuratibu uandaaji, utekelezaji, ufuatiliaji na upimaji matokeo wa Mkataba wa Huduma kwa Mteja katika Mamlaka za Serikali za Mitaa.
• Kumshauri Katibu Tawala Mkoa na Mamlaka za Serikali za Mitaa juu ya Utekelezaji wa Sheria za kazi.
• Kuzishauri na kuzisaidia Mamlaka za Serikali za Mitaa juu ya masuala ya kisheria kama vile usimamiaji wa mashauri na utungaji wa sheria ndogo.
• Kutekeleza kazi zingine zozote zinazohusiana na majukumu ya Sehemu hii kama itakavyoelekezwa na Katibu Tawala Mkoa